Google ADS

Lokali në Tetovë shkel masat anti-Covid, policia gjatë kontrollit gjen drogë dhe disa shtetase të huaja

11:10 | 12 Dhjetor 2020
Arbresh.info

Gjatë mbrëmjes së djeshme, respektivisht rreth orës 22.35 në një objekt hotelierik në fshatin Zherovjane të Tetovë, gjatë një kontrolli të përbashkët mes policisë dhe Inspektoratit Shtetëror të Tregut, janë kapur rreth 40 persona brenda objektit.

Policia ka arrestuar pronarin e objektit 31-vjeçarin H.A. nga fshati Bogovinjë. H.A. dyshohet për kryerjen e veprës penale “Mosveprim sipas rregullave shëndetësore gjatë epidemisë” si dhe “Trafikimi i qenieve njerëzore”.

Policia gjithashtu ka arrestuar dy persona të tjerë brenda objektit. Është arrestuar 30 vjeçari I.D. nga Tetova pasi tek i njëjti është kapur materie e bardhë në formë të pluhurit si dhe 21-vjeçari E.Z. nga Sedllarca tek i cili është gjetur marijuhanë, transmeton Alsat.

Në objekt janë arrestuar edhe shtatë shtetase të Serbisë, një shtetase e Bullgarisë si dhe dy shtetase të Maqedonisë.

Inspektorati Shtetëror i Tregut ka mbyllur objektin ndërsa pas dokumentimit të plot të rastit do të parashtrohet padi konkrete.

Shpërndaje në rrjete sociale

Lajmet më të lexuara

Të ngjashme

Foto lajm